قصيدهـ المكياجـ

موضوع: قصيدهـ المكياجـ الأحد يوليو 20, 2008 3:38 pm

قصيدة المكياج

يا صانع المكياج الله يجازيك ------ خليتني مخدوع في شكل خلي

الله يحرق مصنعك مع مبانيك ------ والمعرض الموجود في بيكاديلي

عسى تعمى وتنشل إيديك ورجليك ------ هذا دعائي دوم لا جيت أصلي

خليتني اركض ورا البنت هاذيك ------ واشوفها أجمل غرام ٍحصل لي

قلبي عشقها يا(جيفنشي) توماتيك ------ وان شافها قلبي يرحب ويهلي

هي رحبت بي وقالت الله يحييك ------ وقالت هلا باللي عشق زين شكلي

وقالت أنا أجمل بنت في اللي حواليك ------ شف حسني الأخاذ وروجي العسلّي

طالعتها ثم قلت هالقلب يبغيك ------ ومن شاف حسنك خلى غيرك يولي

ابغي اشوفك دون مكياج يكسيك ------ وابغي اشوفك بالجمال المحلي

قالت تبيني افرك الوجه تفريك ------ واشيل هالبودر وروجي وكحلي

قلت أي نعم قومي عسى الروح تفديك ------ ابغي جمالك هالطبيعي يهلّي

قالت دقايق راجعه لك واراويك ------ ذاك الجمال اللي لعينك يسلّي

ويوم رجعت لي شربكتني الشرابيك ------ وحسيت الأرض تدور وأنا بمحلي

الخد كنه يا(جيفنشي) سيراميك ------ والوجه شارع مثل شارع حولي

الوجه كنه بيت كله شبابيك ------ من هالحفر في وجهها اللي يعلّي

كله سبب مكياجك الله يجازيك ------ خليتني مخدوع في شكل خلي

ونصيحتي لكل شاب من غير تشكيك ------ لا لا اتسرع ثم تنغش مثلي

الجميلة بلا مكياج خلها حواليك ------ واللي تحط مكياج خلها تولي

----------------------------------------

هههههههههههههههههههههههههه

وش دعوه هاذا مقابل قرده مو ادميه

استغفر الله ..

يسملووووووووووووووو

ـهههههههههههههههههـ

اللهـ يسلمكـ عـ الطلهـ الحلوهـ

تحياتيـ
...