ماعـــاد نبغى في الرواتب زيــــاده ..

بعد ارتفاع الأسعااااار المفاجئ في المملكه كتب احد الشعراء هذه القصيده ..

الراس صاير فيه ورشة حداده = قام يتحلل فيه مسمار ...مسـمــار
قلت الركاده مير وين الركاده = كني مع الحجاج في رمي الأجمار
من عقب ماجانا قرار الزياده = من مجلس اهل الجود وافين الأشبار
كل من الفرحه بيقدح زناده = جبنا القروض نضارب السوق وانهار
وجينا نبي بس الرجا والهواده = والله وكيلك شبت اسعارنا ...نااااار
والراتب الماخوذ جته القراده = ماينزل الا ...صافقه مثل الاعصار
فاتورة الهاتف وعاجل سداده = والقرض والكهرب وتسديد الايجار
والتاجر المليان جاب الوساده = يبي يوصل راس مــالــه لمليــــار
والا المواطن صار..سهل اصطياده= جته الهوامير بوسط غب الابحار
واصبح نهار و ليل وسط العيــاده = مابين طب الراس والقلب وشهــار
يامـن يوصــل كــلمتي للقــيـــاده = للحاكـــم المحبـــوب والــوالـد البــار
ماعاد نبغى في الرواتب زيـــاده = اللي نبيه اليـــوم تخفيض الاسعـــــار
= م=
= ن=
= ق=
=و =
= ل=

لــــكـــــــ وديـــــــم

تسلمين حبيبتي
يعطيج العافيه

مشكورين على مروركم