للجروح بخافقـي قصـة غـرام
وللغرام بدنيتـي ليـل وسهـر
وللمشاعر قَسْم في قافي سنـام
خافقي غنى بهـا سـر وجهـر
ماكتبت الشعر في غيرك..حـرام
من كتب في غير محبوبه خسـر
فيك يام الزيـن حرفـي مايـلام
لـو نهيتـه مايطاوعني.حضـر
صاح لك بالقاف ياظبـي العـدام
ليه قلبك من بعـد حبـه غـدر
كم شكى لي منك والعالـم نيـام
قاف غنى به وقـاف ٍ ماظهـر
قصة تنعـاد عـام ٍ بعـد عـام
والضحيه يالظـروف او الدهـر
والحقيقه ضايعـه بيـن العـوام
ظالمين الحـب والجانـي بشـر
وانت ياحرفـي تجّـرد للكـلام
في حضوري اكتب احساسي قهر
اكتب لجرحي ودمعـي والهيـام
اكتب القصـه لهـم بالمختصـر
اكتب لقلـب ٍ عليـه الهـم زام
من حبيـب ٍ ماتجّمـل واعتـذر
حطني بلسان ملعـون الرسـام
واهم ٍ صـدق خيالـه واندمـر
صرت اجاوب باللحن نوح الحمام
مثل من يشكي على صم الصخر
كـل مافينـي يناديهـا. حـرام
إروي عـروق ٍ يـبللها النظـر
لين يبست في حراويهـا حيـام
واقتفاها بساعة ٍ قلـب ٍ خضـر
تحياتي مهمومة الدهر
الإثنين يناير 14, 2008 10:12 am
